Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros concedimus et statuimus imperpetuum, quod in aliquo castro vel villa regni Valencie non detur unquam de cetero aliqua assadura de aliquo bestiario, sive sit habitatorum regni Valencie sive cuiuslibet alterius loci.

Ita, quod ratione castri vel pontis vel barche vel ville vel alio ullo modo ipsa assadura non detur [nunquam].

Mandantes baiulis et tenentibus castra vel villas in toto regno Valencie, quatenus de cetero nunquam predictam assaduram accipiant vel demandent aliqua causa vel racione.

Datum Cuyllarie IIº idus marcii anno Domini Mº CCº Lº primo.

Signum + Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: [1ª col.] frater P. de Alcalano, castellanus Emposte. [2ª col.] P. de Vilariacuto, R. de Rochafolio. [3ª col.] Bng. de Tornamira, Lupus de Xiverre.

Sig+num Petri Andree, qui mandato domini Regis hec scribi fecit, loco die et anno prefixis.