Noverint universi quod nos Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et omnes successores nostros damus vobis, fidelibus nostris judici, justicie, juratis et alcaldis totique consilio Turolii vestrisque successoribus nec et imperpetuum licenciam, auctoritatem et plenum posse, quod libere et sine omni contradiccione possitis quandocumque et quocienscumque volueritis, mutate mercatum Turolii quod est die iovis, in quocumque loco Turolii magis volueritis, et ipsum mercatum si volueritis possitis redire in eo loco in quo nunc est vel alibi si volueritis.

Nos enim promittimus vobis per nos et omnes dictos successores nostros, quod predictam mutationem quam vos vel sucessores vestri feceritis de prefato mercato, nunquam in aliquo revocemus.

Datum Barchinone Xº kalendas julii anno Domini millesimo CCº Lº nono.