Manifestum sit omnibus quod nos, Jacobus, Dei gratia rex Aragonum et regni Maioricarum, comes Barchinone et Urgelli et dominus Montispesulani; cum presenti carta per nos et successores nostros, donamus, concedimus et laudamus per propriam hereditatem, liberam et francam, vobis dilectis nostris fratri Berengarii abbati totique conventui de Escarpio, presentibus et futuris, locum qui dicitur Coraxa, in termino de Morella.

Ita quod predictum locum habeatis perpetuo et possideatis ac expletetis francum et liberum, cum terminis et pertinenciis suis, cum pratis, pascuis, herbis, aquis et lignis, et cum omnibus que pertinent et pertinere debent ad illum locum, ad dandum, vendendum, impignorandum et alienandum, et ad omnes vestras voluntates perpetuo faciendas.

Mandantes vicariis, baiulis, et nostris subditis universis, presentibus et futuris, quod hanc donacionem nostram firmam habeant et observent et faciant firmiter observari, et non contraveniant in aliquo, si confidant de nostri gratia vel amore.

Datum apud Cesaraugustam VI nonas madii anno Domini millesimo CC XXX quinto.

Signum + Jacobi, Dei gratia regis Aragonum et regni Maioricarum, comitis Barchinone et Urgelli et domini Montispesulani.

Huius rei testes sunt: [1ª col.] S. episcopo Cesarauguste. G. episcopo Tirasone. [2ª col.] Dompnus Blascus de Alagone. Petrus Cornelii. Valesius de Bergua. [3ª col.] Dompnus Ladro. Blascus Maça. Garcia de Orta.

Sig+num Guillermi Scribe, qui mandato domini Regis pro Petro Sancii, notario suo, hanc cartam scripsit loco die et anno prefixis.