Noverint universi quod nos, Jacobus, Dei gratia rex Aragonum et regni Maioricarum, comes Barchinone et Urgelli et dominus Montispesulani; per nos et omnes successores nostros damus et concedimus per hereditatem propriam, francham, et liberam, vobis Aznario de Rada et vestris successoribus imperpetuum, decem jovatas terre et decem domos in alqueria de Beniamar, ad habendum, tenendum, possidendum et explectandum, cum introitibus et exitibus, affrontacionibus, et suis pertinenciis universis a celo in abissum, ad dandum, vendendum, impignorandum, alienandum, et ad omnes vestras vestrorumque voluntates cuicumque volueritis faciendas.

Datum Podio Sancte Marie, quintodecimo kalendas marcii era Mª CCª LXXª sexta.

Signum + Jacobi Dei gratia regis Aragonum et regni Maioricarum, comitis Barchinone et Urgelli et domini Montispesulani.

Huius rei testes sunt: [1ª col.] B. de Entença, [2ª col.] G. de Aquilone, F. Petri de Pina, [3ªcol.] P. Arnaldi de Casserras, P. Garcez de Roda.

Signum + Guillemoni Scribe, qui mandato domini Regis pro domino Berengario, barchinonensi episcopo cancellario suo, hec scribi fecit loco die et anno prefixis.