Logo UJI
ARXIU VIRTUAL JAUME I
Documents d'època medieval relatius a la Corona d'Aragó
1238, desembre 23. València
Jaume I confirma a Abu Said la possessió del castell i de la vila d'Arenós i l'eximeix del pagament de la quarta part de les rendes que pugueren pertànyer a la corona en qualsevol altre castell del patrimoni del noble musulmà
Arxiu de la Diputació de Castellò. Secció Històrica. Manuscrit "Arenós", f. 11r/v. Còpia simple de meitat del segle XVIII
Garcia Edo, Vicent. "Actitud de Jaime I en relación con los musulmanes del regino de Valencia durantos los años de la conquista (1232-1245)". Congrés "Ibn-al-Abbar i el seu temps", 1989. Actes publicades a València, 1990, pp. 317-318. Transcrit en 1989 a partir del manuscrit de referència, revisada la transcripció en 2006 a partir del mateix

Noverint universi quod nos, Jacobus, Dey gratia rex Aragonum, Mayoricarum, Valentie, comes Barquinone, et Urgeli, et dominus Monspesularii; licet nos concedimus vobis dilecto nostro Azeyt Abuzeyt nepoti Regis Miramolini, quod in tota vesta vestra non daretis quartum sive quartus, de aliquibus exitibus castrorum vestrorum, per nos et nostros succesores remittimus, absolvimus, et difinimus vobis predicto Azeyt Abuzeyt, et vestris succesoribus, et cuy et quibus volueritis in perpetum, totum illum quartum quem nos habemus, et habebimus, in reditibus et universis et singulis exitibus et probentibus castri et ville de Arenos et eorum pertinentium.
Yta quod vos et vestri heredes, aut quilibet alii, qui sunt domini dicti castri et ville de Arenos, non teneamini nobis nec nostri, nec quibuslibet aliis personis, de dicto quarto in aliquo respondere, nec illum tradere quartum seu donare; immo ab omni illo quarto et alia quilibet servitute, exactione, iure et jurisdictione nostra et nostrorum, nobis et nostris aliquatenus pertinente, habeatis absolutum et liberum dictum castrum et vilam cum suis pertinentiis universis.
Et ex nostra liberalitate, per nos et omnes succesores nostros, damus, concedimus, et laudamus vobis et vestris, et cui et quibus volueritis in perpetuum, in hereditatem propiam, francam et liberam, dictum castrum et villam de Arenos, cum hominibus et mulieribus christianis, sarracenis et judeis, habitantibus et habitaturis, cum pratis, pascuis, herbis, aquis, lignis, terminis, molendinis, fortitudinibus, bovatitiis, ribis, terris, ademprivis, venationibus, sitius, guarrigios, exitibus, cabalcatis, bayulis, mercatis, justiciis cibilibus et personalibus, omnibus melioramentis et suis pertinentiis universis a celo in abisum, et spetialiter in loco qui vocatur Mola, cum suis pertinentiis, et cum omne dominio et pleno iure nostro et in omet jurisdictione iuris, et facti, sine omnis retentione, quam ibi in predicto castro et villa de Arenoso, et dicti loci de Molina, nec in aliquibus supradictis non facimus nos et nostros ullo modo.
Extrahentes de presenti nos et nostros, ab omnibus et singulis supradictis, empcio dominium et posesionem vestram et vestrorum, et illorum quos volueritis, institutionibus et tradentibus, ad dandum, vendendum, pignorandum, alienandum, populandum, et ad omnes vestras et vestrorum voluntates, cui et quibus volueritis, liberi et perpetuo ferendas.
Datum Valentie, decimo kalendas januarii Era milesima ducentesima septuagesima sexta.
Sig+num Jacobi, Dei gratia Regis Aragonum, Mayoricarum, Valentie, comitis Barquinone et Urgeli et domini Montipesulanii.

Universitat Jaume I. Castelló. Arxiu Virtual Jaume I - http://www.jaumeprimer.uji.es - Document nº 000167

© 2006 - Universitat Jaume I - Arxiu virtual Jaume I