Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros absolvimus et diffinimus vobis, dilecto nostro Aceydo Abuceyt, nepoti regis Almomelini, quamdiu vixeritis, tantum omnes quartos omnium redituum et exituum, de universis et singulis castris et villis [.... .... ....] quos quartos retinuimus in convenienciis inter nos et vos [.... .... .... ....] et exituum de castris et villis vestris omnibus [.... ....] percipiatis in tota vita vestra integriter et potenter, et de ipsis quartis vos et vestri, quamdiu vixeritis, non teneamini nobis et nostris successoribus respondere seu donare aut [.... ....] de predictis quartis et fructibus quos in vita vestra perceperitis solutionem eorum nec partem aliquam nobis et nostris non donetis, sed eos habeatis in perpetuum.

Quartos autem post vitam vestram percipiamus in castris et villis [.... .... ....] exitibus et reddibus, post vitam vestram [.... .... .... .... .... ...]. et provenientibus in illos.

Quartos autem exituum et reddituum percipiamus nos et nostri per manum baiuli vestri aut baiulorum vestrorum, quem baiulum vel quos vos et domini castrorum et villarum vestrarum possitis et sint ibi ponere sine omni expensa vestra et vestrorum, quam in colligendis quartis, levandis et percipiendis, non faciant autem servicium exaccionem ostem, cavalcatam, peytam, calonyam, ius neque iurisdiccionem exigere nec accipere non posimus in aliquibus redditibus et exitibus castrorum et villarum vestrarum [.... .... ....] dictos quartos exituum, quia castra et villas a sarracenis dominis, et dedistis nobis et nostris quartum in exitibus et redditibus eorundem, adinvicem etiam ordinamus quod castrum de Altoponte sit in fidelitate quamdiu vos Aceyt vixeritis, in quem ambo convenerimus, et post obitum vestrum ipsum castrum de Altoponte nobis et nostris remaneat cum suis pertinenciis.

Datum Valencie quarto decimo kalendas januarii era Mª CCª [LXX]ª sexta.

Signum + Jacobi Dei gratia regis Aragonum, Maioricarum, Valencie, comesque Barchinone et Urgelli et domini Montispesulani.

Testes qui fuerunt: F. infans Aragonum. G. Ferrer. A. de Luna. Eximenus de Urrea. Berenguer de Entença.

Signum + Guillemoni Scribe, qui mandato domini Regis pro domino Berengario, Barchinonensi episcopo cancellario suo, hoc scripsit loco die et era prefixis.