Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros damus et concedimus per hereditatem propriam, francham et liberam vobis, dilecto nostro fratri P. de Alcalano, castellano Emposte et ordini Hospitalis Iherosolimitani et vestris successoribus imperpetuum, quoddam alfondicum in Xativa iuxta ecclesiam Sancte Tecle, ad opus faciendi domos.

Et confrontatur ex duabus partibus in viis publicis, et ex tercia parte in almudino, quod erat tempore sarracenorum et in operatorii judeorum.

Quod alfondicum predictum habeatis cum introitibus, exitibus, affrontacionibus et suis pertinenciis universis, a celo in abissum, ad omnes voluntates vestras et vestrorum, cuicumque volueritis faciendas.

Datum Valencie nonas aprilis anno Domini Mº CCº Lº secundo.

Signum + Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: [1ª col.] Eximinus de Focibus. [2ª col.] G. de Angularia. Egidius de Roda. [3ª col.] F. de Turriliis. P. de Atrosillo.

Sig+num Petri Andree qui mandato domini Regis hec scribi fecit, loco die et anno prefixis.