Pateat universis quod nos, Jacobus, Dei gratia rex Aragonum, Valentie, Maioricarum, comesque Barchinone et Urgelli, dominus Montispesulani; per nos et nostros damus, concedimus, et asignamus per hereditatem propriam, francham et liberam, vobis, dompna Teresia Gil de Vidaure, et vestris, imperpetuum, villarum que est vocatum Les Alcubles, in regno Valentie, cum terminis et pertinentiis suis omnibus, sicut termini eiusdem dividuntur et terminantur cum terminis de Liria, et de Andilla, et de Begis, et de Exerica, et cum terminis de Altura.

Predictum itaque villarum vobis et vestris damus imperpetuum, ad populandum, ad meliorandum, cum furnis, molendinis, terris cultis et incultis, aquis, erbis, pratis et pascuis, venationibus, silvis, garriciis, lignis et arboribus diversorum generum, et planis, montibus, cum introitibus, exitibus, et cum terminis, iuribus et pertinentiis suis, a celo et in abissum. Et cum omnibus hominibus et feminis ibi habitaturis cuiuscumque legis vel conditionis sint; et melioramentis ibi faciendis; ad habendum, tenendum, possidendum et explectandum, dandum, vendendum, alienandum, et ad omnes vestras vestrorumque voluntates, cuicumque volueritis libere perpetuo faciendas, sine aliquo nostro nostrorumque vinculo et retentu.

Datum Ilerde quarto nonas aprilis anno Domini millesimo ducentesimo quinquagesimo septimo.

Sig+num Jacobi, Dei gratia regis Aragonum, Maioricarum et Valentie, comitis Barchinone et Urgelli et domini Montispesulani.

Testes sunt: Guillermus de Montecatheno, Artaldus de Luna, Raymundus vicecomes Cardone, Eximinus de Focibus, Guillermus de Angularia.

Sig+num Michaelis de Alcoario, qui mandato domini Regis, pro domino fratre Andrea, episcopo Valentino cancellario suo, hec scripsit loco die et anno prefixis.