Nos Jacobus Dei gracia rex Aragonum, Mayoricarum et Valencie, et comes Barchinone et Urgelli et dominus Montispesulani.

Volumus et concedimus vobis fideli nostro R. de Pompiano, quod omnes missiones et expensas quas fecistis vel facietis in peticionibus seu demandis feudorum et castri de Corneliano, et in exigendis debitis que nobis debentur racione Poncii de Arenis, possitis deducere auctoritate nostra, et vobis satisfacere de denariis et aliis rebus quas habere poteritis racione peticionum feudorum et debitorum Poncii de Arenis, et etiam si aliunde de nostro potestis vobis satisfacere.

Datum Gerunde VIII idus octobris anno Domini Mº CCº LXº quarto.