Noverint universi, quod nos Jacobus, etc., per nos et nostros laudamus et confirmamus vobis, Petro de Salou et tuis, empcionem quam fecisti a Rogerio de Montrebeig de alqueriis de Ribesalbes, de Trutxelles et de Barita, qui fuerunt Guillermi de Pax quondam.

Promittentes quod contra ipsam empcionem non veniemus nec aliquem venire permitemus; immo faciemus ipsas alquareas te et tuos tenere, habere, ac perpetuo pacifice possidere.

Diffinimus etiam et absolvimus tibi totum ius quod in predictis alquereis retinuhimus nobis, ut in carta quam dictus Guillermus de Pax inde a nobis habebat melius continetur.

Concedentes tibi quod dictas alquareas possis dare vel alio quolibet modo alienare tuo consimili et non aboni alii.

Datum Barchinone XIIIIº kalendas augusti anno Domini Mº CCº sexagesimo.

Signum Jacobi.

Testes sunt, Gueraldus de Capraria, R. de ça-Guardia, Eximenus de Focibus, Gaucerandus de Pinos, Ato de Focibus.