Nos Jacobus et cetera.

Concedimus tibi Petro de Salou licenciam et plenum posse, quod tu et tui possitis vendere obligare vel alienare licite et sine impedimento, alicuius persone cuicumque vel quibuscumque hominibus servicii vestri, alquareas de Ribesalbes et de Trucelles et de Berita, cum omnibus terminis iuribus et pertinenciis suis, quas tu habuisti a Rogerio de Montrebeig in extimacione et solucione dotis cum filia sua tempore nupciarum.

Mandantes baiulis, justiciis, juratis, et universis aliis officialius et subditis nostris presentibus et futuris, quod hanc concessionem nostram firmam habeant et observent et contra ipsam non veniant nec aliquem contravenire permittant aliqua racione.

Datum Valencie VIº kalendas aprilis anno Domini Mº CCº LXXº.