Cum nichil sit quod magis hominibus debeatur, quam ut çuppreme voluntatis, postquam iam aliud velle non possint, liber sit stillus et licitum quod iterum non redit arbitrium; ideoque nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani, statuimus per nos et omnes successores nostros in civitate et toto regno Valencie, imperpetuum sanccimus, quod pater et mater, deductis primo debitis et iniuriis restitutis, omnia bona sua mobilia et inmobilia ac semovencia in testamento vel qualibet alia eorum ulta voluntate, inter omnes filios et filias ex legitimo matrimonio procreatus, partibus quibus voluerit, equalibus vel inequalibus distribuant atque donent, non obstante aliquo iure canonico vel civili.

Datum Valencie, Xº kalendas septembris anno Domini Mº CCº Lº primo.

Sig+num Jacobi, Dei gratia regis Aragonum, Maioricarum et Valencie, et comitis Barchinone et Urgelli et domini Montispesulani.

Testes sunt Eximinus Petri de Arenoso, Guillermus de Montecatheno, Raimundus de Timor, Raimundus de Montecatheno.

Sig+num Guillermi de Rocha, qui mandato domini regis pro Guillermo Scribe, notario suo, hoc scribi fecit loco die et anno prefixis.