Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani.

Fideli suo R. de Pompiano, vicario Rossilionis, Ceritanie et Confluentis. Salutem et gratiam.

Dicimus et mandamus vobis firmiter, quatenus visis presentibus [..... ..... ..... .....] et dilacione remotis, compellatis pignorando abbatem, camerarium, prepositum [..... .....] conventum monasterii Ruipollensis et res eorum, ad solvendum in continenti Viciato de Ripolet et Bernardo Biesca, socero suo, totum illud debitum quod abbas et conventus prediti eisdem solvere tenentur, cum publico instrumento ex quo ipsum non solverunt Poncio Guillermi de Villafranca, quondam, loco et nomine ipsorum, prout mandaverimus per alias literas nostras.

Et hoc racione aliqua non mutetis vel differatis, si de nostra confidens gratia vel amore.

Quem dictum debitum volumus quod solvatur Viciato et Bernardo Biesca predictos, non obstante aliqua indulgencia seu alia littera elongationis suorum debitorum a nobis predictis abbate et conventum concessis.

Datum in Montispesulani [Vº idus] augusti anno Domini Mº CCº LXº Vº.