Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani.

Fidelibus suis universis hominibus omnium aldearum Turolii. Salutem et graciam.

Mandamus vobis firmiter et volumus quod observetis semper de cetero inviolabiliter omnes convenciones et composiciones quas habetis et fecistis cum universitate hominum concilii de Turolio, videlicet quod in omnibus missionibus que fient ratione populationum, quas homines ville Turolii facient de quibusdam locis que sunt ad populandum in terminis Turolii, ponatis vos tres partes et ipsi solvant inde et ponant quartam partem. Et non contraveniatis nec contravenire permitatis aliqua ratione vel causa.

Preterea, volumus et statuimus quod illi ex vobis eligetis quolibet anno quod iuratis teneant officium iuratorum per totum illum annum per quo electo fuerint et de ipso officio utantur bene et fideliter sic quod non possint inde se aliquatenus excusare, dantes vobis licenciam et plenum posse ad compellendum ipsos inde.

Datum in Montepesulano, VIII idus madii anno Domini M. CC. LX. secundo.