Logo UJI
ARXIU VIRTUAL JAUME I
Documents d'època medieval relatius a la Corona d'Aragó
1249, febrer 24
Sentència arbitral dictada per la reina Violant d'Hongria, per resoldre les diferències entre Jaume I i l'infant Pere de Portugal
Arxiu de la Corona d'Aragó. Barcelona. Cancelleria. Pergamins de Jaume I, nº 1146
M. Betí Bonfill. "Primeros señores de Castellón". Butlletí de la Societat Castellonenca de Cultura. 1926, pp. 184-185. Transcripció efectuada el dia 13-II-2008, amb variants formals, a partir de l'edició citada

Controversia vertebatur inter dominum Jacobum, Dei gracia regem Aragonum, et dominum Petrum infantem Portugalie, super expulsionem sarracenorum de Muroveteri, et de Almenara, et de Sogorb, et de Castellione Burriane, et super populacionem dictorum locorum, ac super quodam summa pecunie quam dictus infans repetebat occasione predictorum castrorum ab ipso domino rege; tandem compromisserunt in dominam Yoles, illustrem reginam Aragonum, promittentes stare dicto et voluntati eiusdem, super questionibus memoratis.
Nos itaque, domina Yoles regina Aragonum, auditis racionibus utriusque partis, de voluntate parcium et asensu, habito consilio venerabilium Petri, archiepiscopo Terrachone, et fratre A. Valentino episcopi, et Eximini Petri, et aliorum sapientium, dicimus quod dominus rex donet infanti predicto decem milia solidorum regalium; et quod dum presens guerra sarracenorum locorum circunstancium Murumveterem, Segorbium et Almenaram duraverit, teneatur dominus rex in expensis suis custodire frontarias predictorum castrorum, et providere in castro de Muroveteri XLV hominibus, et in castro de Almenara XXXV hominibus, et in castro de Sogorb XXXV hominibus, et in castro de Castellione V hominibus, quos dictus infans de sua familia vel aliunde ad predictorum castrorum custodiam duxerit statuentos.
Item, dicimus quod non obstante quod in instrumentis concambii que sunt inter dominum regem et infantem contineatur, quod ipse infans possit disponere et ordinare de possessionibus ipsorum castrorum, predictus infans observet et ratum habeat populacionem quam dominus rex fecit in predictis locis, et instrumenta inde confecta firmet vel alia de novo faciat, si fuerit requisitus, nisi aliqua essent facta in ipsa populacione que digna essent retractacione, et talia si essent, dicimus quod dictus infans revocare ea possit de nostro consilio et assensu.
Instrumenta tamen que sunt inter dominum regem et ipsum infantem, alias in sua perpetuo firmitate permaneant, ita quod ex hiis que acta sunt eisdem instrumentis in aliquo nullatenus derogetur.
Item, dicimus quod dictus infans non teneatur servire domino regi per annum istum, pro eo quod pro ipso tenet in campo vel in civitate Terrachone.
Actum est hoc VI kalendas marcii anno Domini M. CC. XL. octavo.
Presentibus archiepiscopo, episcopo, et Eximino Petri, supradictis. Et Petro Cornelii, et Guillelmo de Montecateno, et Stephano Petri, et Eximeno Petri de Pinna, Petro Nuniz, et Guillermo Scribe, et Guillelmo de Bello Loco, notario domini regis.

Universitat Jaume I. Castelló. Arxiu Virtual Jaume I - http://www.jaumeprimer.uji.es - Document nº 000941

© 2006 - Universitat Jaume I - Arxiu virtual Jaume I