Hoc est transsumptum bene et fideliter sumptum a quodam privilegio excellentissimi ac magnifici principis et domini domini Jacobi, Dei gracia bone memorie regis Aragonum, in pargameneo scripto eiusque sigillo inpendenti munito, cuius tenor talis est

Nos, Jacobus, Dei gracia rex Aragonum, Maioricarum et Valencie, comes Barchinone et Urgelli et dominus Montispesulani; damus et concedimus vobis juratis et toti concilio Osce ac etiam perpetuo statuimus quod de cetero vinum non ponatur in civitate Osce per aliquem vel aliquos ipsius civitate, nec etiam per aliquam aliam personam extraneam vel privatam, nisi tantummodo de vineas civitatis predicte et terminorum suorum.

Et si [forte] aliquis contra hoc nostrum statutum attemptaverit vinum ponere in civitate et termini Osce de ali[quibus villis vel locis] que fuerint extra terminos dicte civitatis, vinum illud admitat et sexaginta solidos [jaccensem pro pena solvat, et ille] qui in doliis suis sive cupis dictum vinum prohibitum receperit amitat similiter dictas [cupas et sexaginta] solidos jaccensem pro pena solvat.

Datum Calataiubii, VIº idus junii, anno Domini Mº CCº LXº nono.

Sig+num mei Martini de Bolea, notarii publici civitatis Oscensis, qui presentem transsuptum ab originali privilegio extratxi et scripsi, et cum eodem diligenter comprobavi.