Notum sit cunctis quod nos Raimundus, Dei gratia Sancti Iohanis abbas …. bona et libera voluntate per nos et successores nostros damus domini Iacobi, Dei gratia, regi Aragonum regni Maioricarum et Valencie, comiti Barchinone et Urgelli et domino Montespessulani et suis successoribus in perpetuum totam illam terram nostram ….. quam habere debemus in parrochia Sancti Pauli de Seguries sicuti afrontatur ab oriente in flumine Ticeris; a meridie in ipsa ruppe Gurgitis sicuti habetur et continetur usque ad domum …… de podiolo; ab occiduo in pede ipsius podii de Ula quod est super vilar nominatam de Regali construenda infra predictas afrontaciones; a circio in ipso torrente de Miralles quiinter predictam terram et honores mansorum de Miralles.

Predictam siquidem terram et campos predictis afrontationibus et terminationibus inclusam cum exitibus et ingressibus, pertinentiis et tenedonibus, dominiis et usibus agrariis et cum ómnibus et singulis que hiis vel pro hiis nobis iuste vel iniuste competunt ac debent vel possunt competeré modis ómnibus, totum damus et concedimus domino regi antedicto et suis successoribus perpetuum pro alodio franco et libero ad faciendam et construendam ibidem villam et populationem et quicquid inde aliud facere voluerit prout melius dici, intelligi, exprimi sive excogitari possit ad suum suorumque bonum et sanum intellectum sine aliquo retentu nostri et nostrorum ómnium successorum.

Sub tali tamen pacto et conditione quod ipse et successores sui in perpetuum non recipiant, defendant seu retineant in dicta villa contra voluntatem nostram et nostrorum successorum aliquos nostros homines et féminas presentes vel futuros nec etiam bona eorumdem.

Item, quod nos et successores nostri in perpetuum recipiamus et habeamus medietatem in scribania publica predicte ville.

Item quod vicarius qui pro tempora ibidem fuerit institutus, teneatur nos et homines nostros et bona nostra et eorum defenderé cum hominibus dicte ville contra omnes homines quibus directum facere nos velimus.

Item quod nos et conventus noster simus liberi et franchi in ipsa villa ab ómnibus leudis, pedagiis sive mensuraticis et Petrus de Rovira, baiulus noster et omnes sui in perpetuum.

Item quod homines mei et femine constituti in vicaria ipsi ville concessa et assignata per dominum regem non possint conveniri nec teneant placitare quocumque casu nisi in ipsa villa.

Item, quod nos et successores nostri ratrione ecclesie nostri sancti Pauli de Seguries in cuius parrochia dicta villa est construenda habeamus ecclesiam de decimas, primitias, oblationes, defunctiones et omnia alia ecclesiastica iura exceptis cenis, luminariis et vigiliis.

Et quod homines nostri et femine non pignorentur nec marchentur in ipsa villa nisi fuerint principales debitores sive fideiussores pro aliis constituti nisi solum modo pro dominis suis propriis.

Item quod donet nobis et restituat extimationem et comoditatem predicti loci ad notitiam Bernardi de Vicho et Petri Strucci in valle de Pratis vel in eadem villa ubicumque magis voluimus.

Item quod homines presentes et futuri in eadem villa comorantes non talent nemora nec ripparias nostras et hominum nostrorum nec accipiant ligna in nostris nemoribus contra voluntatem nostram.

Item quod habeamus mercatum in villa nostra sancti Iohannis quandocumque nobis fuerit opportunum sine impedimento ipsius ville et hominum ibidem comorantium secundum quod nobis a dominis regibus est concessum.

Item quod cum voluerimus, possimus facere et construere libere molendina in flumine TIceris a predicto torrente de Miraliis usque ad ruppem Gurgitis supradicti et nullus alius ibidem ipsa possit consturere contra voluntatem nostram.

Que omnia dominus rex compleat et faciat nobis ut superius continetur in instrumentum publicum inde nobis faciat cum sua bulla vel sigillo suo maiori.

Et si instrumentum publicum inde nobis faciat cum sua bulla vel sigillo suo maiori.

Et si instrumentum predictum nobis facere noluerit, predicta omnia sint inutilia atque casa nc valeant ipso iure.

Hec inquam omnia supradicta ego Raimundus de Pompiano, vicarius domini regis et procurator promito bobis dominis Raimundi abbati et conventui me rata habere et firma ex parte domini antedicti et mea et promito quod predicta omnia faciam firmare et laudare domino regi ut superius est condictum.

Actum est hoc VIIII Kalendas augusti, anno Domini MCCXL octavo.

Ego Raimundi, Dei gratia sancti Iohanni abbas. Sig+num A. sacriste. Sig+num R. de Blaciis, R. de Mirallis, sancti Iohannis prepositus subscripsit. Sig+num B. prioris. Sig+num Rivipulli et A. Oliva. Sig+num Bernardo de Sancto Stephano et J. de Neva. Sig+num Olivarii, procuratoris sancti Iohanni. Sig+num Arnaldi de Olivela. Sig+num Raimundi de Pompiano, vicarii, qui hoc firmo et laudo.

Sig+num Raimundi de Leroro. Sig+num Petri Strucii, Gerunde. Sig+num A. de Villafrederic. Sig+num Andree Suniarii, Gerunde. Sig+num Berengarii de Borredano. Sig+num Geraldi de Ortis. Sig+num A. de Donabous. Sig+num Petri de Rovira, testium.

Sig+num Bertrandus de Comellis, publicums notarius, qui hoc scripsi mandato Bernardi de Vico publici notarii Gerunde.

Ego Bernardus de Vico, publicus Gerunde notarius, subscribo.