Noverint universi, quod nos Iacobus Dei gratia rex Aragonum, Maioricarum et Valencie, comes Barchinone et Urgelli et dominus Montispessulani, per nos et nostros volumus et concedimus vobis, probis hominibus et toti universitati hominum Perpinyani presentibus et futuris, quod si aliquis vel aliqui homines regulares vel seculares qui habent a nobis cartas guidatici vel privilegia sub certa pena, vellent venire contra vos vel vobis aut rebus vestris, malum aliquod facere seu gravamen vobis offerentibus eis ius, et vos in deffensionem [47v] vestri et rerum vestram eisdem malum aliquod inferretis seu gravamen, non incurramini dictam penam in ipsis cartis guidatici seu privilegiis positam, dum tamen cum baculis, lapidibus, vel aliis armis, eis vuulnera non feceritis; cum intelligatur quod ab illo qui in deffensionem sui aliqua comiserit, dominus suus non debeat penam aliquam extorquere.

Mandantes vicariis, baiulis, et universis aliis officialibus et subditis nostris presentibus et futuris, quod predictam concessionem nostram firmam habeant et observent et contra ipsam non veniant nec aliquem venire permittant aliqua racione.

Datum in Montepessulano, quarto kalendas madii anno Domini millesimo CCº LXº secundo.

Sig+num Iacobi, Dei gratia regis Aragonum, Maioricarum et Valencie, comitis Barchinone et Urgelli et dominus Montispesulani.

Testes sunt, Gaucerandus de Pinos, Raymundus Ça Gardia, Ato de Focibus, Garcia Ortiz de Açagra, Gomicius de Podio.

Sig+num Petri de Capellades, qui mandato domini regis hec scribi fecit et clausit, loco die et anno preffixis.