Iacobus Dei gracia rex Maioricarum, comes Rossilionis et Ceritanie et dominus Montispessulani.

Fideli suo baiulo Perpiniani qui nunc est et pro tempore fuit. Salutem et graciam.

Consulibus Perpiniani refferentibus intellecximus quod panes qui propter fraudem ponderis extorquentur a pistricibus et aliis vendentibus ipsos panes, ex constitutione seu ordinatione nostra habeant pauperibus erogari.

Et cum consules multo melius sciant personas pauperes Perpiniani baiulo, et erogacio huiusmodi panum apcius sit per consules quod per baiulum facienda; volumus et vobis mandamus quatinus panes predictos racione predicta extortos et extorquendos, ad manus permittatis et faciatis predictorum consulum integre pervenire, nam per predictos consules illos volumus pauperibus erogari.

Datum in Cauquolibero, tercio kalendas decembris anno Domini millesimo trecentesimo octavo.