Iacobus [Dei gratia rex Aragonum, Maioricarum et Valencie, comes Barchinone et Urgelli et dominus Montispesulani].

Fidelibus suis iudici, iusticie, iuratis, alcaldis et toti concilio ville et aldearum Turolii. Salutem et graciam.

Volumus et mandamus ac firmiter statuimus quod semper de cetero omnes milites et pedites ex vobis exeant et sequantur vexillum sive pendonem vestrum quandocumque et quocienscumque dictum vexillum seu pendonem extrahetur de villa Turolii, sine aliqua dilatione et excussatione, quod, nisi fecerint, volumus quod miles qui contrafecerit donet de pena sive calonia sexaginta solidos et pedonus triginta solidos, de quibus habeamus nos medietate et alia medietas dividatur secundum forum Turolii.

Mandantes vobis firmiter quo hec compleatis et compleri faciatis et hoc non mutetis aliqua ratione.

Datum in Montepesulano, XIIº kalendas augusti anno Domini Mº. CCº. LXº. secundo.