[Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispessulani], per nos et nostros, damus et concedimus vobis dilecto nostro fratre Roderico Petri Poncii, comendatori Alcanicii ordinis milicie Calatrave, et successoribus vestris comendatoribus Alcanicii et fratribus eiusdem ordinis in perpetuum, quod de cetero vos vel fratres vestri nec homines villarum seu locorum vestrarum comendatorie seu baiulie Alcanicii non teneamini emere seu uti de aliquo sale salinarum nostrarum, nec ut fratres et homines ordinis milicie Templi et ordinis Hospitalis Sancti Iohannis et homines villarum et locorum eorumdem emerint et usi fuerint de sale predicte salinarum nostrorum.

Mandantes firmiter baiulis, iusticiis, iuratis, portariis et custodibus salis et universis aliis officialibus et subditis nostris, presentibus videlicet et futuris, hanc concesionem et donacionem quam vobis facimus firmiter habeant et observent et non contraveniant nec aliquem contravenire permitant modo aliquo vel racione, si de nostra confidunt gracia vel amore.

Datum Valencie, Xº kalendas novembris, anno Domini Mº CCº LXXº.