Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani.

Fidelibus suis probis hominibus et concilio ville Turolii. Salutem et gratiam.

Volumus et statuimus quod aliquis illorum qui electi fuerint de cetero in villa Turolii pro judice, alcaldis et juratis Turolii, non vendant infra annum illum per quem dictum officium tenere debuerint equum suum, quem tunc habebit et tenebit nec aliter alienet nisi in hunc modum, videlicet quod completis triginta diebus a die quo ipsum equum vendiderit in antea, emat et teneatur statim emere sine aliqua dilacione alium equum. Quod nisi feerat, amittat totum salarium quod habere debebit illo anno, racione sui officii.

Mandantes vobis firmiter quod hoc statutum nostrum observetis et illud observari ab omnibus inviolabiliter faciatis.

Datum in Montispesulano, octavo idus madii anno Domini Mº CCº LXº secundo.