Noverint universi quod nos Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros donamus et concedimus per hereditatem propriam, francham et liberam vobis Raymundo de Rochaful et vestris, imperpetuum, quasdam domos in Corbera et sex jovatas terre in alqueria de Fortolen, in loco competenti, et quasdam domos ibidem, ad habendum, tenendum, possidendum et explectandum, cum introitibus, exitibus, affrontacionibus et suis pertinenciis universis a celo in abissum; ad dandum, vendendum, impignorandum, alienandum, et ad omnes vestras vestrorumque voluntates cuicumque volueritis faciendas, exceptis clericis et viris religiosis.

Datum Montepesulano, XII kalendas septembris anno Domini millesimo CCº XLº primo.

Signum + Jacobi Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Huius rei testes sunt: [1ª col.] Guillermus de Entença. [2ª col.] Eximinus de Focibus. A. Furdus. [3ª col.] Eximinus Almoravet. Fortun de Bergua.

Signum + Guillemoni Scribe, qui mandato domini Regis pro domino Berengario, Barchinonense episcopo cancellario suo, hec scribi fecit loco die et anno prefixis.