Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani.

Fidelibus suis alcaidis et universis hominibus de Altura, de Gayvuel, de Almonezir, de Almedixar, de Castronovo, de Azuveba, de Pellinos, de Sova, de Sot, de Arguenas, de Gatava, de Marinas et de Serras, tam presentibus quam futuris. Salutem et gratiam.

Dicimus et mandamus vobis firmiter et districte, quot de cetero, visis litteris istis, non faciatis nec permitatis aliquod impedimentum vel contrarium hominibus de Sogorbio in pascuis locorum predictorum, sed permittatis pascere libere et sine aliquo impedimento, et sine aliquo erbagio, carnagio, parizone, seu qualibet alia racione vel causa, ganatum totum predictorum hominum in locis superius nominatis.

Et hoc non mutetis vel differatis aliqua ratione vel causa, se de nostri confiditis gratia vel amore.

Datum Valencie VIII idus augusti anno Domini Mº CCº Lº sexto.