Ville Burriane.

Per nos et nostros damus et concedimus vobis, probis hominibus Burriane et vestris imperpetuum, quod possitis accipere de aqua de açutis cequiarum Castilionis Campi de Burriana et de Almaçora, tempore magne necesitatis et sequere, sex diebus et sex noctibus quolibet mense ad rigandum hereditates vestras, sic quod die ipsam irigaretis ad cognitionem duorum proborum hominum Burriane et duorum Castilionis, qui eligantur pro bonos homines ipsorum locorum.

Ita quod si ipsi quatuor convenire non possent, probi homines Onde eligantur duos probos homines qui illud videvant et quod ipsi dixerint sequitur et observetur.

Et aperiatis in ipsis açutis spacium decem palmarum, per quod aquam percipiatis predictam.

Et statim, cum dictam aquam tenueritis, ut est dictum, teneamini claudere et claudatis illud spacium vestris sumptibus et expensis.

Sin autem sequiti vice quam ipsam aquam percipere velletis, ea non habeatis nec percipiatis.

Datum Therrase VII kalendas madii anno Domini Mº CCº LXº sexto.

Testes Raimundus de Monthecateno, Jaufridus de Rochabertino, Petrus H. de Luna, Petrus de Sancta Fide, Maymon de Castro Aulino.