Logo UJI
ARXIU VIRTUAL JAUME I
Documents d'època medieval relatius a la Corona d'Aragó
1272, gener 8
Guillem d'Anglesola atorga la carta pobla d'Atzeneta
Arxiu Històric Nacional. Madrid. Ordes Militars. Ms. 542C, ff. 8v-9r. Còpia simple de 1416
Guinot, Enric. Les cartes de poblament medievals valencianes. 1991, pp. 336-338. Revisada la transcripció del document en maig de 2006 a partir del manuscrit de referència

Noverint universi, quod nos Guillermus de Angularia, per nos et omnes nostros presentes et futuros, cum hoc publico instrumento perpetuo valituro damus et concedimus et in presenti tradimus vobis, Guillermo Columba et Raymundo de Canet, illum locum nostrum qui vocatur Adzaneta, cum suis terminis, in quo loco populetis octoginta populatoribus, dividatis bene et fideliter dictum locum cum dicto termino ad predictos octaginta populatoris.
Et affrontat predicta villa, cum suis terminis, de prima parte in termino de Exemen d'Urrea, de secunda in termino de Vistabella, de tertia in termino de Benafigos, de quarta cum rivo sico, de quinta in termino de Vilafamez.
Et propter gratiam populatorum, damus vobis populatoribus de termino de Cullar, scilicet de rivo sico usque ad collum de Spareguera, qui dividitur cum termino mansi d'en Besora, qui venit serra serra et revertitur ad predictum rivum siccum.
Quicquid sub dictis affrontationibus concluditur et determinatur, cum introitibus et exitibus et melioramentis cunctisque suis pertinentiis, a cello usque in habissum, per omnia loca, sic damus vobis et concedimus acaptatoribus et populatoribus et habitatoribus de predicta villa de Adzaneta cum suis terminis, franchum et liberum et quitios, salvo tamen furnos et molendinos et molendinarios, que ibi sunt in predicta villa et in predicto termino, quas nos retinemus ad opus nostrum et nostrorum.
Et donetis bene et fideliter decimam et primiciam secundum forum et consuetudinem Cesarauguste, quam decimam donetis nobis et nostris, et primiciam habeatis vobis acaptatoribus et populatoribus de predicta villa et termino, sicut mor est Cesarauguste.
Et sic promittimus et convenimus vobis et vestris dictum locum cum omnibus suis pertinentiis facere, habere, tenere, possidere, cum terris, aquis, montaneis et planis, cum pratis et erbis et pascuis, venationibus et arboribus que ibi in dicto termino facti et faciendi sunt de omni genere, et roquis et lapidibus, nemoribus, et cum omnibus aliis ademprivis, et cum trobis et cum omnibus que cogitari vel intelligi possunt, sicut melius, utilius, dici sive scribi possunt vestro comodo et salvamentum vestrorum.
Sic damus et concedimus vobis acaptatoribus et populatoribus et habitantibus de predicto loco, franchum et liberum et quietum, ad bonum forum et consuetudinem Cesarauguste, salvo tamen in omnibus et per omnia iure dominationis nostro et nostrorum.
Et damus et concedimus vobis acaptatoribus et populatoribus et habitatoribus et morantibus de predicto loco, foros, usaticis civitatis Cesarauguste, salvo tamen quod si fuerit aliquid de vobis acaptatoribus et populatoribus et habitatoribus senserit se gravatum de sententiam quam justicia de Atzaneta dederit, quod primam appellationem positis facere in posse juratorum de Adzaneta. Et hoc damus et concedimus, pro liberalitate, de predicto loco, vobis et vestris, imperpetuum.
Et hoc damus et concedimus que in dicto termino habeatis quod possitis facere bovalarium, tantum quod a dicto loco pertinent vel pertinere debet.
Vobis acaptatoribus, populatoribus et habitatoribus et morantibus de predicto loco, habeatis omnia predicta et singula, sicut dictum est superius, franchum et liberum et quietum, ad omnes vestras vestrorumque voluntates imperpetuum faciendas, vos servandi annuum et diem secundum forum cesarauguste, salvo tamen sicut superius dictum est, iure et donatione nostra et nostrorum per omnia loca.
Et sic vos et vestrum promittimus et convenimus omnia predicta et singula facere, habere, tenere, possidere, explectare potenter, in pace, ad omnes vestras vestrorumque voluntates imperpetuum faciendas, ad dandum, vendendum, inpignorandum, alienandum, comutandum, preter militibus et sanctis.
Et sic vos et vestri promittimus et convenimus vobis, acaptatoribus et populatoribus et habitatoribus et morantibus de Adzaneta, omnia predicta et singula fideliter attendere et observare, et non in aliquo dirumpere nec frangere, in aliquo contravenire per nos nec per interpositam personam, per vos aliquam ratione vel causa.
Item, damus et concedimus, sicut superius dictum est, melius vel utilius dici sive intelligi scribi potest, ad vestrum comodum et salvamentum et vestrorum.
Actum est hoc VIº idus januarii anno Domini Mº.CCº.LXXº primo.
Sig+num predicti domini Guillermi de Angularia, qui hoc laudamus, concedimus et firmamus, testesque firmare rogamus, ad maiorem huius rei securitatem nostri sigilli munimine fecimus roborari.
Sig+num Galcerandi Alaman. Sig+num Bernardi de Guimera. Sig+num Petri de Concabella. Sig+num Berengarii d'Orpill. Sig+num Geraldi de Rocamora, militum et testium.
Ego Poncius Cabeça, notarius nobilis Guillermi de Angularia hoc scripsit et hoc meum sig+num aposui.

Universitat Jaume I. Castelló. Arxiu Virtual Jaume I - http://www.jaumeprimer.uji.es - Document nº 000358

© 2006 - Universitat Jaume I - Arxiu virtual Jaume I