Logo UJI
ARXIU VIRTUAL JAUME I
Documents d'època medieval relatius a la Corona d'Aragó
1179, març 20. Cazola
Tractat de Cazola, signat pels reis Alfons VIIIè de Castella i Alfons II d'Aragó, per al repartiment de les terres que es conqueriran als musulmans en la península Ibèrica
Arxiu de la Corona d'Aragó. Barcelona. Cancelleria reial. Liber feudorum maior, document 35
Almagro, M. Historia de Albarracín, 1956, T. III. Vol. 2, pp. 112-114

In Christi nomine.
Hec est convenientia facta inter illustres Aldefonsum, regem Castelle, et Ildefonsum, regem Aragonum, comitem barchinonensem et marchionem Provincie, super divisione terre Ispanie.
Dividunt, namque, inter se terram Ispanie, hoc scilicet modo:
Laudat, siquidem, concedit atque in perpetuum diffinit per se et per suos succesores predictus Aldefonsus rex Castelle, iam dicto Ildefonso, regi aragonensium, et succesoribus suis, ut adquirant sibi, habeant, et in perpetuum possideant libere, solide, et absolute, non interveniente aliqua contraria ab uno ab alterum, Valenciam et totum regnum Valencie, cum omnibus suis pertinenciis, heremis et populatis, que sibi [pertinent] et pertinere debent.
Similiter laudat, concedit, atque diffinit eidem et successoribus suis in perpetuum, Exativam cum omnibus sibi pertinentibus, heremis et populatis, et Biar cum suis terminis, heremis et populatis, et totam terram heremam et populatam que est a portu qui est ultra Biar, qui portus dicitur Portus de Biar, sicut respicit versus Exativam et Valenciam, et Deniam et totum regnum Denie, cum omnibus suis pertinenciis, heremis et populatis, sicut tendit et ducit portus usque ad mare et vadit usque ad Calp.
Laudat etiam, concedit atque in perpetuum diffinit per se et per suos successores predicto Ildefonso, regi Aragonum, et suis successoribus, omnia castella et villas, heremas et populatas, cum omnibus pertinenciis suis que sunt et erunt infra predicta regna et predictos terminos.
Similiter, predicto Ildefonso, regi Aragonum, et suis successoribus, omnia castella et villas, heremas et propulatas, cum omnibus pertinenciis suis que sunt et erunt infra predicta regna et predictos terminos.
Similiter, predictus Ildefonsus, rex Aragonum, comes barchinonensis et marchio Provincie, laudat, concedit atque in perpetuum diffinit per se et per suos successores iam dicto Aldefonso, regi Castelle, et successoribus suis, ut adquirant sibi, habeant et inperpetuum possideant, libere, solide, et absolute, totam terram Ispanie, heremam et populatam, que est ultra predictum portum qui est ultra Biar, cum omnibus castellis et villis, heremis et populatis, et omnibus pertinenciis suis que sunt et erunt ultra predictum portum, non interveniente aliqua contraria ab uno alterum.
Hanc itaque divissionem, concessionem atque diffinicionem faciunt inter se et successores suos predicti reges, bona fide et sine omni fraude et dolo, libenti animo et spontanea voluntate, perpetuo valituram et duraturam.
Et conveniunt inter se quod neuter alteri, de assignata sibi porcione, aliquid anferat vel diminuat, nec alter contra alterum super predictam divisionem aliquid impedimentum vel maliciose machinentur.
Facta carta apud Cazolam, cum ibi haberent colloquium predicti reges, anno Domini M C LXX VIII, Era M CC XVII, XIII kalendas aprilis. +
Sunt testes, ex parte regis Castelle, comes Petrus Roderici de Azagra, Petrus de Arazori, Gomez Garcia, Petrus Roderici de Gosman, Tello Petri, Garcia Portoles, Martinus Roderici de Azagra, Suerus Pelagii, [Raimundus Pelagii], Garcia [Muniz].
Signum + Ildefonsi, regis Aragonum, comitis barchinonensis et marchionis Provincie.
Sunt testes ex parte regis Aragonum, domnus Petrus cesaraugustanensis episcopus, Arnaldus de Turre Rubea magister militie Templi, Petrus de Castell Azol, Blascho Romeu, Arnaldus de Pontibus, Artallus de Alagon alferiz regis, Sancius de Orta maiordomo, Michael de Sancta Cruce, Berengarius d'Entenza, Petrus de Sancto Vincencio, Fortunio de Berga, Garcia de Albero.
Sig+num Berengarii de Parietibus, qui hanc cartam scripsit mandato supra dictorum regum, cum litteris rasis et emendatis in linea XII et XIII.

Universitat Jaume I. Castelló. Arxiu Virtual Jaume I - http://www.jaumeprimer.uji.es - Document nº 000570

© 2006 - Universitat Jaume I - Arxiu virtual Jaume I