Jacobus Dei gratia rex Aragonum, Valentie, et cetera.

Fidelibus nostris universis et singulis alcaydis omnium et singulorum castrorum et villarum regni Valentie, ad quos presentes pervenerint. Salutem et gratiam.

Sciatis nos dimisisse assaduram que solebat recipi de ovibus et ganatis illorum, qui oves suas et ganatum adducunt vel tenent in regno Valentie; ita quod in aliquo loco vel castro regni Valentie non detur deinde de ipsis ovibus vel ganatis aliqua assadura.

Quare mandamus vobis firmiter, quatenus dictam assaduram ab aliquo vel aliquibus non petatis vel accipiatis aliqua ratione, si confiditis de nostra gratia et amore.

Datum Valentie kalendas aprilis anno Domini millesimo duocentesimo [quinquagesimo secundo].