In Dei nomine.

Sit notum cunctis tam presentibus quam futuris, quod nos frater Bernardus de Portella, preceptor Mirabeti et tenens locum magister, cum consilio et voluntate fratris Gauterii, preceptoris domus Valentie et Borriane, fratris Dalmacii de Fenoillario, preceptoris Monsonis, fratris Guillermi de Monte, preceptoris Vilella, fratris Guillermi de Ager, preceptoris Cantevetule, fratris Fulchonis, preceptoris Castelloti, fratris Guillermi de Monteguerino, preceptoris de Corbins, fratris Guillermi Almoravi, preceptoris Exiverti, et aliorum fratrum nostrorum, per nos et omnes successores nostros et fratres Templi, presentes pariter et futuros, cum hoc presenti publico instrumento perpetuo valituro, damus, tradimus, et concedimus imperpetuum, ad populandum, vobis omnibus populatoribus et posteritati vestre, alqueriam nostram que dicitur Seca, que est in termino Borriane, cum omnibus terminis et pertinentiis suis et melioramentis que ibi facere potueritis ullo modo, de celo usque in abissum; mitentes vos in presenti dictos populatores et vestros de predicta donatione corporaliter in possessionem et tenedonem.

Et eam donationem sicuti inter vos per quinones et partes divisa est, vel in antea dividetur, potenter habeatis, teneatis, possideatis et expletetis, ad dandum, vendendum, impignorandum, conmutandum et alienandum, et faciendum omnes vestras vestrorumque voluntates cuicumque volueritis, exceptis tamen et extractis clericis, viris religiosis, militibus et infantionibus.

Si forte vero dictam donationem vel partem eius aliquo tempore vendere volueritis, nobis et successoribus nostris, vos et vestri per decem dies antea significetis, et si voluerimus tenere habeamus per quantum et alia persona daret sinant, faciatis inde vestras voluntates vestro consimil, salvo tamen iure nostro, dominio, et fatica.

Et nos et nostri teneamur hic concedere et cartam vel cartas firmare sine redemptione aliqua pretio seu dono.

Concedimus autem vobis forum Cesarauguste, in caloniis et iusticiis tantum.

Retinemus autem nobis in dicta donatione semper fidelitatem et plenum dominium ac firmamenta omnia, ac hostes et cavalcatas et alia omnia que ad nostrum plenum dominium pertinent vel pertinere noscuntur.

Retinemus etiam ibi furnos et molendina factos et facienda, ita quod semper teneamini venire et coquere ad furnos nostros, et dare nobis per viginti et quinque panibus unum panem.

Et semper similiter veniatis ad molendina nostra et molatis, et detis inde nobis pro multura setzenum seu sexta decimam mensuram vel partem.

Et non liceat vobis unquam ad alia molendina et furnos ire, nec panem coquere in furnellis vestris aut latibus seu lenis.

Concedimus etiam vobis quod in festivitatibus Natale Domini, Pasche et Pentecostes, possitis quilibet vestrum in domibus vestris singulis annis semper coquere, usque ad quinque panes tantum.

Retinemus etiam ibi jovam semel in anno, quam vos et vestri successores faciatis nobis et nostris successoribus una vice in anno, quomodo voluerimus et petemus.

Retinemus autem ibi quintam partem omnium fructuum et expletorum, quos et que habebitis in dicta donatione, scilicet omnis bladi, lini, canabi, leguminum et omnium aliorum bonorum que terra levaverit ac vindemie; ita quod ista quinta pars, presente fratre nostro, baiulo vel nuncio, detur nobis intus in areis de blado et rebus aliis comorantis, et de vindemia intus in vineis, sine missione et expensa nostra aliqua et nostrorum, bene, fideliter, omnia fraude exclusa penitus et remota.

Et fructibus vero arborum que modo ibi sunt vel erunt, nichil teneamini nobis dare.

Retinemus etiam nobis et eclesie decimam et primiciam, quas detis de omnibus bonis que Deus dare vel [.....] dare tenetur quilibet christianus.

Retinemus etiam nobis ibi fabricam, secundum consuetudinem Borriane.

Retinemus preterea ibi [.....] faticam et dominicaturas, sicut iam est divisum inter nos et vos.

De domibus vero et ortis, quas et quos vobis dedimus [.....] et successoribus nostris annuatim, in festo Natale Domini, pro censu, scilicet pro unaqua faneca cum orto, unum par gallinarum tantum.

Nemo [.....] non possitis vel audeatis accipere in comanda, vel nutrire filium vel filiam alicuius militis vel infanzonis.

[.....] aut aliquid aliud unde nostrum dominium vel iura nostra possint diminui vel aliquatenus impediri.

Nemo etiam in [.....]dicarem suam vendere vel alienare alicui, nisi assidue ibi staret.

Prenotata itaquod donationis sub dictis conventionibus [.....] successores inperpetuum habeatis et teneatis potenter, sicut eam vobis assignamus et tradimus in presenti, ita tamen quod semper sitis boni, humiles et fideles, et nunquam inde alium dominum vel patronum eligatis, nisi nos et dominum Templi et fratres nostros presentes [.....].

Quod est actum VIII idus septembris anno Domini Mº CCº XLº tertio.

Sig+num fratris Bernardi de Portella, preceptoris Mirabeti, et tenentis locum magistri. Sig+num fratris Gauterii, preceptoris Valentie et Borriane. Sig+num fratris Dalmacii de Fenoillario, preceptoris Monsonis. Sig+num fratris Guillermi de Monte, preceptoris Vilelli. Sig+num fratris Guillermi de Ager, preceptoris Cantevetule. Sig+num fratris Fulchoni, preceptoris Castelloti. Sig+num fratris Guillermi de Monteguerino, preceptoris de Corbins. Sig+num fratris Guillermi Almoravi, preceptoris Exiverti, qui omnes hoc laudamus, concedimus et firmamus, testesque firmare rogamus.

Sig+num Bernardi de Solanellis, canonici Solsonis. Sig+num Petri de Confluence, capellani. Sig+num Raimundi de Monteacuto. Sig+num Berengarii Veray de Moreta, testium huius rei.

Petrus de Cubellis, domini fratris Bernardi de Portella, predicti scriptor, vissu eidem hoc scripsit suumque sig+num apposuit, cum raso et emendato in XXª VIIª linea, ubi dicitur "vestri", et suppraposito in XXª VIIª ubi dicitur "tantum".