In Dei nomine.

Notum sit cunctis hominibus presentibus et futuris, quod nos, Guillermus de Angularia, et dompna Gonstança, eius uxor, uterque nostrum insolidum, per nos et per omnes successores nostros, cum hoc publico instrumento perpetuo valituro, damus et concedimus et in presenti tradimus vobis, Berengario de Calaterra, et Dominico Sancti Guillermi, et Guillermo Colon, et Bernardo de Quadres, ilum locum nostrum qui vocabatur Vistabella, cum suis terminis, in qua loco populetis ducentos populatoribus, et dividatis bene et fideliter dictum locum cum dicto termino ad predictos ducentos populatoribus.

Et afrontat predicta villa, cum suis terminis, ex una parte in capud Penam Golosa, et de caput Penna Golosa vadit a Marinet, et de Marineto vadit serra serra, et vadit usque in via que transit a Chodos, et de via vadit serra serra usque ad collum altum de capud de Foya d'Ories, et vadit ad Pennam Rubeam, qua penna est in fundo de Foyes d'Ories, et de Penna Rubea ascendit usque ad talayam altam que est inter illum locum qui vocatur Arçedol et castro de Boyo, et de talaia alta vadit serra serra, vadit al Montemleoni, et de Monteleoni vadit ad Arçedolum, et de Arzedolo vadit carraria carraria usque in fundo de illo loco qui vocabatur Mosquerola, sicut aquas vertuntur versus dictum terminum de Vistabella, et de fundo de Mosquerolle vadit serra serra usque in via que vocabatur de Aledo, et de via de Aledo ascendit serram serram usque ad talayolam iuxta vilarium Farcoso, et de talayola descendit in barranco et ascendit per cenderolo Brucariorum, et ascendit usque in vistam de campo qui dicitur de Arzedolo, et in capud serre, et vadit serra serra sicut aquas vertuntur versus dictum terminum de Pulcravista, usque ad sumum de barancho Valldeblasco, et de sumo vallis de Blasco vadit ad sumum de illo loco qui vocabatur Caro, et de sumo de Caro transit in serra Pennegolosa, et serra serra ascendit in summo Pennegolose.

Quidquic sub dictis afrontationibus concluduntur et terminatur, cum introitibus et exitibus, et melioramentis cunctisque suis pertinentiis, a celo usque in abisum, per omnia loca, sic damus et concedimus vobis acaptatoribus et populatoribus et habitatoribus predicta villa de Pulcravista, cum suis terminis, francham, liberam et quietam, salvo tamen furnos et molendinos, et molendinarios, que ibi sunt in predicta villa et in predicto termino, quas nos retinemus ad opus nostrum et nostrorum.

Et donetis bene et fideliter decima et primicia secundum forum et consuetudinem Cesarauguste; quam decimam donetis nobis et nostris, et primicia habeatis vobis acaptatoribus et populatoribus et habitatoribus de predicta villa et de termino, sicut mos est Cesarauguste.

Et sic promitimus et convenimus vobis et vestris, dictum locum cum omnibus suis pertinentiis facere, habere, tenere, posidere, cum terris, cum aquis et montaneis et planis, cum pratis et herbis, et pastibus, et venationibus, et arboribus que ibi in dicto termino facti et faciendi sunt de omni genere, et roquis et lapidibus, nemoribus, et cum omnibus aliis ademprivis que cogitari vel intelligi potest, sicut melius vel utilius dici potest sive scribi potest, vestro comodo et salvamentum et vestrorum.

Sic damus et concedimus vobis, acaptatoribus et populatoribus et habitatoribus et morantibus de predicto loco, franchum, liberum et quietum, ad bonum forum et consuetudinem Cesarauguste, salvo tamen in omnibus et per omnia iure et dominationis nostro et nostrorum.

Et damus et concedimus vobis, acaptatoribus et populatoribus et habitatoribus et morantibus de predicto loco, foros et usaticis civitatis Cesarauguste, salvo tamen quod si forte aliquis de vobis, acaptatoribus et populatoribus et habitatoribus, senserit se agravatum de sententia quas justicia de predicta villa dederit, quod primam apellationem positis facere in pose juratorum de Pulcravista, et hoc damus et concedimus pro libertate de predicto loco, vobis et vestris, imperpetuum.

Et damus et concedimus qud in dicto termino habeatis et positis facere bovalarium tantum, quod in dicto loco pertinet vel pertinere debet.

Et vobis, acaptatoribus et populatoribus et habitatoribus de predicto loco, habeatis omnia predicta et singula sicut dictum est superius, franchum, liberum et quietum, ad omnes vestras vestrorumque voluntates inperpetuum faciendas, nos serviendi annum et die secundum forum Cesarauguste, salvo tamen sicut superius dictum est, iure et dominatione nostra et nostrorum per omnia loca.

Et sic nos et nostri promitimus et convenimus [vobis acaptatoribus et populatoribus et habitatoribus et morantibus de Pulcravista] omnia predicta et singula facere, habere, tenere, expletare potenter et in pace, ad omnes vestras vestrorumque voluntates in perpetuum faciendas, ad dandum, vendendum, inpignorandum, alienandum, comutandum, preter militibus et sanctis.

Et sic nos et nostrum promitimus et convenimus vobis, acaptatoribus et populatoribus et habitatoribus et morantibus de Pulcravista, omnia predicta et singula fideliter atendere, observare, et non in aliquo disrumpere, nec frangere, nec in aliquo contravenire per nos nec per interpositam personam, per nos aliqua ratione vel causa.

Item, damus et concedimus vobis et vestris, in perpetuum, fabregam vel fabregas de predicto loco, ad omnes vestras vestrorumque voluntates omni tempore faciendas, et omnia alia sicut dictum est superius, sicut melius vel utilius dici sive intelligi, sive scribi potest, vestro quomodo et salvamentum vestri et vestrorum.

Et ut hanc cartam gaudeat firmitatem, sigillis nostris pendentis munimine roboramus.

Quod est actum IIIº nonas aprilis, anno Domini Incarnatione Mº CCº Lº primo.

Sig+num domini Guillermi de Angularia. Sig+num domine Constance, uxoris eius, nos quia omnia predicta et singula laudamus et confirmamus, et firmamus, concedimus.

Huius rei sunt testes, Dalmacius Sero, miles; Raymundus de Biunium, miles; Raymundus de Vergós, Bernardus de Guimerano, Bernardus Suserium, Petrus Galceran, Raymundus de Sa Corbella, et Raymundus de Copons.

Sig+num Arnaldi Pelegrini, notarii de Pulcravista, qui hoc scribsit.