In Dei nomine et eius gratia. Noverint universi, quod nos, frater Guiraldus Amici, humilis castellanus Emposte, de consilio et voluntate fratris Bernardi de Salanova, et fratris Petri de Monte Falcono, prioris Burriane, tenentis locum comendatoris, et fratris Petri Sanxís, et fratris Petri Romei, et fratris Petri Pulina, et fratris Petro Carbó, el aliorum fratrum nostrorum in nostra baylia comorantibus; per nos et omnes nostros presentes et futuros, damus et stabilimus, ad bene laborandum et ad bene excolendum, vobis, Arnaldo de Golifas et Berengario de Apiera, et Johanni Peris, et Petro de Taliata, et vestris, imperpetuum, alcareyam nostram que vocatur Biniamir, quam habemus et habere debemus in termino Burriane, ad bene populandum, cum quatuordecim populatoribus vestris, scilicet consimilibus laboratoribus.

Quam alcareyam habeatis vos et dictis populatores ad bonum forum et consuetudinem Cesaraugustam asignatam.

Itaque alcareyam vobis et vestris damus et stabilimus, cum arboribus cuiuslibet generis, aquis, cequiis, ad rigandis.

Ita, quod unusquisque vestrius et populatores habeatis duodecim kafissadas terre, ad mensuram corde Burriane.

Damus etiam unicuique vestrum duodecim pedonatas vinee plantate.

Ad huc etiam damus vobis ortum francum, quod habeat in longitudine unam cordam, et in latitudine mediam cordam, et habeatis omnes arbores cuiuslibet generis sint francos, et si forte aliquid inde superaverit, receptis vobis vestris kafissatis, totum illud quod superaverit sit ad libitum et voluntatem fratrum Hospitalis.

Et faciatis in dictam alcareyam residentiam personalem, et laboretis et custodiatis eam bene, ad consuetudinem bonum laboratorum, et melioretis et non peyoretis.

Et de omnibus fructibus et expletis terre detis nobis et nostris, bene et fideliter, quartam partem, sine aliqua missione, excepto quod bladum fecetur et verberetur de se proprio.

Et de omnibus fructibus et expletis vineorum que modo sunt plantate ibi, tertiam partem detis fideliter, sine missione.

De vineis vero que ibi plantavistis, detis nobis et nostris, de fructibus eorum collectis, quartam partem fideliter sine missione.

Partem et enim nostrum bladi, detis nobis et nostris verberatum in hera, et vindemiam vindemiatam in vineis, et non dividatis sine nostro nuncio.

Et detis unusquisque vestrum duos solidos sensuales annuatim, in festo Natalis Domini, pro domibus, et sic de anno in anno.

Et detis vos et vestri de omnibus fructibus et expletis terre et vinearum, decimam et primiciam, et de ovis et capris similiter, ad consuetudinem Cesarauguste; et de omnibus aliis que decima vel primicia dari debet sicut dictum est.

Retinemus etiam in vos et vestris hostem regalem, infra terram domini regis.

Ad huc etiam retinemus in vos et vestros calonias, justicias, et omnia alia que ad jurisdictionem pertinent seu pertinere noscuntur, ad forum et consuetudinem Cesarauguste.

Item, retinemus furnum, ecclesiam et molendinos, in quo furno cocitis ad triginta.

Et nos teneamur vobis facere edificare furnum in sepe dicta alcareya, et nisi fecimus furnum in dicta alcareya, non teneamini vobis venire ad furnum Burriane.

Et teneamini ad ecclesiam nostram Burriane sancti Johannis.

Et teneamini etiam molere ad nostram molendinam, et nos teneamini vobis molere ad sextam decimam partem.

Et habeatis dictam alcareyam cum omnibus campis et vineis, et ortis, teneatis, possideatis et expletetis, ad dandum, vendendum, impignorandum, alienandum, et ad omnes vestras et vestrorum voluntates cuicumque volueritis perpetuo faciendas, exceptis militibus atque sanctis.

Salvo tamen nobis et nostris dictam quartam partem, et tertiam, et ea que superius continetur, et iure et dominio nostro et nostrorum.

Et non eligatis ibidem alium dominum neque seniorem, nisi nos et nostros tantum.

Promittimus vobis et convenimus dictam alcareyam, cum domibus, campis, vineis et ortis, semper salvare, facere, habere, tenere in sana pace et possidere ad forum Cesarauguste, contra omnes personas, et per his omnibus singulis ad impelendis et evictione et garentia legali, obligamus vobis omnia bona nostra ubique.

Ad hec autem nos, Arnaldus de Golifas, et Berengarius de Apiera, et Johannis Peris, et Petrus de Taliata, per nos et nostros a vobis venerabilis fratri Guiraldo Amico, castellano Emposte, et aliis fratribus ad bene laborandum, sub dictis conditionibus et modis, promittentes vobis et convenientes omnia premissa et singula attendere et complere, sicut superius est expressatum.

Nos vero frater Guiraldi Amici, confitemur habuisse et recepisse a vobis, supradictis populatoribus, ducentos solidos regalium Valentie, pro entrata istius stabilimenti, renuntiando omni exceptione peccunie non numerate et doli.

Quod est actum decimo kalendas marcii, anno Domini Mº CCº Lº quinto.

Sig+num fratris Guiraldi Amici, castellani Emposte, qui hec concedimus, laudamus et firmamus.

Sig+num fratris Bernardi de Salanova. Sig+num fratris Petri de Monte Falcono, prioris Burriane. Sig+num fratris Petri Sanxis. Sig+num fratris Petri Romei. Sig+num fratris Petri Pulina. Sig+num fratris Petri Carbó, qui hec concedimus et firmamus.

Sint inde testes Guillermus Bardoyl, et Johannes de Roda, et Guillermus de Ylerda.

Sig+num Dominici Scribe, publici notarii Burriane, qui de mandato domini castellani predicti, hec scribi fecit cum literis suprapossitis in XIIª linea, ubi dicitur "et vinearum", et propria manu claussit die et anno superius assignatis.