In nomine sancte et individue Trinitatis. Ego Ildefonsus, gratia Dei rex Aragonensis et comes Barchinonensis, filius qui fui domini venerabilis Raimundi Berengari, comitis Barchinonensis et principis Aragonensis et uxoris eius, Aragonensis regine, in prima curia quam post obitum patris mei Barchinone tenui, cum consilio et providentia totius mee curie scilicet domni Guillelmi,Barchinonensis episcopi et Gerundensis atque Ausonensis et Cesaraugustani ac Dertose episcoporum et Guillelmi Raimundi Dapiferi atque Ugonis, Barchinonensis ecclesie sacriste, nec non et Guillelmi de Castrovetulo atque Geraldi Alamagni et Arberti de Castrovetulo et Geraldi de Iorba atque Gaucerandi de Pinos et Arnaldi de Lercio et Guillelmi de Cervaria et Arnaldi de Villamulorum et aliorumque nobilium magnatum meorum, confirmo, laudo atque concedo universis habitatoribus christianis Barchinonae presentibus et futuris tam viris quam mulieribus omnes illas franchitates quas predictus venerabilis et nobilis pater meus et antecessores mei illis fecerunt.

Et ego, supradictus Ildefonsus, rex Aragonensis et comes Barchinonensis, sequens, vestigia et statuta eiusdem patris mei, cum consilio et providentia totius predicte mee curie Facio vobis universis meis habitatoribus christianis Barchinonen presentibus et futuris tam hominibus quam feminis hanc cartam franchitatis ut securi maneatis sine ulla inquietudine et oppresione et mala consuetudine ullo modo facta a me vel meis.

Et iterum convenio vobis et successoribus vestris ut nullo modo ego vel aliqua persona per me aliquam iniuriam inferam vobis in prsonis vel in rebús vestris nisi quod ratio iustitie dictaverit.

Dono insuper et convenio vobis predictis habitatoribus Barchinone christianis presentibus et futuris tam viris quam mulieribus ut omnes mali usatici missi a predecessoribus eiusdem patris mei pro timore Dei et melioratione predicte civitatis decidant omnino et pereant sicut et pater meus prenominatus statuit in scriptura quam exinde vobis fecit, preter hoc quod retineo in ipsis exorchiis: quod si aliquis obierit sine prole et fratribus et consanguineis et nepotibus utriusque sexus, de hoc quod visum fuerit sibi habere retineo ipsam medietatem ad meum opus: alia vero medietas sit ad suum velle.

Uxorem autem si habuerit et obierit sine heredibus superius nominatis, fiant ex suo tres partes, quarum una sit mea; due vero que remanent sit una mariti et alia uxoris. Insuper etiam ego Ildefonsus, pretitulatus rex Aragonensis et comes Barchinonensis, cum consilio supradictorum procerum confirmo et convenio vobis prefatis habitatoribus Barchinone christianis presentibus et futuris tam viris quam mulieribus ut ab hac hora et deincebs duellum non sit factum vel etiam iudicatum inter me et vos vel successores meos et vestros in perpetuum.

Actum est hoc VII idus februarii, anno Dominice Incarnationis millesimo CLXII annoque XXVI regni Ludovici iunioris.

Sig+num Ildefonsi, + regis Aragonensium et comitis Barchinonensium.

Sig+num Guillelmi, Barchinonensis episcopi +. S. + Ugonis de Cervilione, Barchinonensis sacriste. Raimundus, levita, Areus, decanus, suscribo. S.+Raimundi Berengarii, Dei gratia comitis Provincie. Guillelmus, Dei gratia Gerundensis ecclesie episcopus, suscribo. S. + Guillelmi Raimundi Dapiferi. S. + Guillelmi de Castro vetulo. S. + Geralli Alamagni. S.+ Arberti de Castro Vetulo. S.+ Geralli de Iorba. S.+ Gaucerandi de Pinos. S.+ Arnalli de Lercio. S.+ Guillelmi de Cervaria. S.+ Arnaldi de Villamulorum. S.+ Mironis de Luzan, Petrus. Ausonensis episcopus, suscribo. Gaufredus, dictus dertusensis episcopus.

Sig+num Petri de Corron, scriptoris, que hic scripsit cum litteris emendatis ubi dicit "Raimundi Berengarii" die et anno quo supra.