In Dei nomine.

Ego Ildefonsus, Dei gratia rex Aragonensium et comes Barchinonensium simul et Arbertus de Castro Vetulo donamus, laudamus et confirmamus vobis omnibus habitatoribus et populatoribus de Occulo de Molinis illis, videlicet, qui ibi vivere potuerint, Occulum de Molinis cum omnibus terminis suis preter tres pariliatas quas ibi habet Iohannes de Uno Castello et preter hoc quod Petrus Arnaldi donavit et pertinet ad ortos.

Affrontat terminus de Occulo de Molinis, ab oriente in pariliata Bernardi de Gariram Arnaldi et in via que transit per Stoperium (?) et ascendit in serra de Sorbolis; a meridie in pariliata Petri de Abilia et in Monte Sancto; ab occidente[…] in Aliub.

Sicut iste quatuor affrontaciones includunt et terminant totum integriter heremum et cultum cum ingressibus et egressibus suis et cum pasquis et aquis et vineis omnibus et cum omnibus adempramentis suis, ad usaticum Siurane et donamus et concedimus vobis omnibus et proienieque atque posteritati vestre per secula cuncta.

Si quis hoc violare voluerit, nil valeat, set in duplo componat et postea hec carta firma permaneat.

Qui fuit facta II Kalendas freboarii, (sic) anno Domini MCLXV.

Sig+num Arberti de Castro Vetulo, qui hoc laudo et firmo.

Sig`num Illefonsi, regis Aragonis et comitis Barchinone. Sig+num Petri Arnaldi. Sig+num Petri Mir de Pezonada. Sig+num Arnaldi de Salforis.

Sig+num Crispini, qui hanc cartam scripsi die et anno ut supra in civitate Tortose, iusu domini regis.