Manifestum sit cunctis quod nos Nuno Sancii, Dei gratia dominus Rossilionis, Vallis Asperii, Conluentis et Ceritanie, attendentes quod hiis que data et concessa sunt a nobis et statuta, et robur conferre debemus et perpetuam addere firmitatem, per nos et per omnes successores nostros cum hac presenti carta in perpetuum firmiter valitura, damus, concedimus, laudamus et confirmamus vobis omnibus populatoribus habitatoribus nostris castri et ville de Clerano, tam viris quam mulieribus presentibus et futuris, quod sitis semper franchi liberi et quieti et penitus inmunes ab omni questia, tolta, forcia, prestito, usatico, adempribio et ab omni servitute et exatione sive demanda regali et vicinali, exceptis hostis et cavalcatis quas in vobis et vestris perpetuo retinemus, et excepto furno quem nobis et nostris perpetuo retinemus, ita quod nullus panem coquere possit nisi in nostris furnis ad XX unum panem, et quod detis unum nobis et nostris pro fornatico.

Et affranchimus etiam vos in perpetuum ab omni exorquia et vetito vini et ab omni etiam leuda, pedatico, portatico, usatico, tolta per omnia loca dominationis nostre, per terram, per mare, stagna et aqueam dulcem, cum omnibus rebus ac mercibus vestris habitis et habendis.

Damus, etiam, vobis omnibus predictis presentibus et futuris in perpetuum quod omnes res mobiles et inmobiles et se moventes, quascumque habetis vel habituri estis, habeatis ad omnes voluntates vestras inde in vita et morete libere faciendas, salvo iure nostros in omnibus.

Item si qua persona de domo sua exierit et venerit apud Cleranum in dominatione nostra causa populandi et habitandi ibídem, sit salva et secura per totam terram et dominationem nostram cum omnibus rebuis suis, in eundo stando et redeundo.

Si vero forte aliquis vel aliqua de populatione et dominatione nostra de Clerano omnino recedere voluerit, liceat ei dare, dimitere, vendere inpignorare, vel aliis modis alienare cuilibet persone, omnia sua tam inmobilia quam mobilia et se moventia, et vadat quocumque voluerit salvus et securus cum omnibus rebus et bonis suis, salvo iure nostro in omnibus.

Statuimus, etiam, firmiter et mandamus, quod in castro et villa de Clerano vel in terminis suis non fiat unquam nec sit bellum ab hominibus vel populatoribus nostris, nisi fieret de voluntate eorumdem, vel iudicium aque frigide vel calide, aut iudicium ignis vel ferri, inter habitatores et populatores nostros ipsius castri et ville de Clerano, vel inter extraneos ibídem venientes in dominatione nostra.

Nec nos nec nostri nec baiuli nec vicarii nostri, nec aliquis nec aliqui pro eis, possimus unquamm vel possint probare vel averare per sagiones curie, vel etiam per alios curiales, aliquid alicui homini vel femine dominationis nostre predicti castri et ville de Clerano. Set si homo vel femine dominationis nostre predicti castri et ville de Clerano; set si homo vel femina dominationis nostre de Cleranos requisitus vel requisita fuerit a nobis ve a nostris , iuret.

Et si nos aut nostri voluerimus habere firmanciam de ipso vel ipsa, donet nobis ipsam firmanciam; set si firmanciam dare non poterit, prestita prius super hoc ab eo quicumque fuerit cautione per sacramentum, in propia persona tamdiu sit in curia et teneat curiam donech placitum illud, quodcumque sit, per sententiam iudicaturm fuerit et difinitum.

Item si quis de populatoribus et habitatoribus nostris predicti castri et ville de Clearno ab intestato decesserit, omnia bona ipsius libere revertantur proprinquis suis, qui fuerint illi adiuncti per parentelam usque ad quartum gradum, solutis prius et levatis inde omnibus debitis quecumque alicui vel aliquibus debuerit ipse intestatus.

Si vero tales propinqui non superstiterant illi intestato, fiant tres partes de bonis illius intestati, prius deducto et levato atque soluto inde ere alieno; quarum unam, baiulus noster cum consilio trium proborum hominum donet et tribuat pro anima ipsius defuncti; alia quidem pars detur semper et tradatur nobis et nostris, tertia quoque partrs proximis defuncti, si qui ei supersiterint, usque ab septimum gradum, que nobis vel nostris libere revertatur, si forte huiusmodi supersites non fuerint ei.

Si vero aliquis mercator vel viator aut homo extraneus decesserit ibi ab intestato, res eius revertantur propinquis suis.

Qui si non fuerint ibi, baiulus noster accipiat res illius et comende teas duobus probis hominibus de villa predicta, qui esas custodiant et teneant salve et fideliter per unum annum continue completum; quo transacto, si heres vel propinquus ibi interim non venerit, res illius sint in conspectu et voluntate nostri et successorum nostrorum.

Item si qua persona ecclesiastica vel militaris seu alicuius ordinis querimoniam proposuerit de aliquo vel aliquibus homine vel hominibus nostris castri et ville de Clerano, nos vel successores nostri vel qui locum nostrum tenuerit habeamus eum vele os paratos iuris tare, sine aliquao iustitia et firmancia et calumpnia quam inde non donet.

Si vero placitum verteretur inter vos ipsos vel etiam inter vos et alias peraonas que non essent militares vel ecclesiastice vel alicuius ordinis, non teneamini dare missiones, set iustitias si in illo placito essetis devicti.

Statuimus, etiam, quod nos vel aliquis vicarius vel baiulus noster non possimus illos homines vel populatores nostros castri et ville de Clerano vel aliquem eorum compllere aut forciare ad placitandum aliquod placitum, nisi fuerit in predicta villa et castro de Clerano vel in terminis eiusdem.

Damus etiam et concedimus in perpetuum vobis predictis universis hominibus et populatoribus nostris castri et ville de Clerano presentibus et futuris pasturam et ademprivium ad opus vestri bestiarii proprii per totam terram nostram in qua nos debemus accipere pascherium, sine aliquo pretio et tributo.

Data apud Perpinianum, pridie idus decembris, per manum magistri Iohannis, notarii nostri, mandato nostro et et ipsius scripta a Bernardo de Bono Anno, anno Christi MCCXXXIII.

Signum + domini Nunonis Sancii.

Testes huius rei sunt: Hugo de Mata Plana, F. de Noruax, O. de Termino, G. de Portella, R. de Celleto, Martinus Petri, Raimundi Catelli, F. Salzet, comte de Salsis.

Sig+num + Bernardi de Bono Anno qui mandato domini Nunonis et vice magistri Iohannis, notarii sui, hec scripsit et sigillum apposuit loco, die et anno prefixis.