In Christi nomine.

Notum sit cunctis, quod ego Ildeffonsus Dei gratia rex Aragonum, comes Barchinone et Provincie, marchio atque comes Rossilionis, per me et per omnes successores meos, dono, laudo et concedo omnibus hominibus et feminis ville Perpinyani presentibus et futuris ibidem manentibus, et enfranchesco, quod iam amplius non dabo licentiam neque potestatem alicui homine vel femine, quod in foro ville Perpinyani deinde amodo faciat mansum, neque operatorium neque tabulam neque banchum, neque aliquid de quo mercatale ville Perpinyani impediatur, neque ego predictus rex Ildeffonsus ibi in predicto mercatali ville Perpinyani iam amplius mansum neque operatorium nec tabulam, neque banchum, neque aliquid faciam neque facere faciam.

Et propter hoc donum predictum quod nobis omnibus predictis hominibus et feminis ville Perpinyani feci habiti et recepi a vobis, qui mansos et operatorios habetis, qui aperiunt hostia sua iam in dicto mercatali, et qui tabulas et banchos habetis in ipso mercatali, mille solidos malgurienses pro acapte.

Si autem firam in villa Perpinyani statuero, liceat michi tabulas et banchos ibi statuere sine diminutione vestrorum banchorum et tabularum, dum fira durabit.

Actum est hoc apud Perpinyani, IIIIº kalendas decembris anno ab Incarnatione Domini Mº Cº LXXº IIIIº. Rubricata.

Sig+num + Ildeffonsi regis Arogone, comitis Barchinone et marchionis Provincie, atque comitis Rossilionis.

+ Berengerii abbatis Sancti Felicis. [Sig]+num Raymundi de Monte Catheno. + Mironis iudicis. Sig+num Poncii prioris de Corniliano. Sig+num Berengarii de Gardia vicarii de Perpinyano. Sig+num Guillelmi Bernardi. Sig+num Raymundi de Sancta Maria. Sig+num Raymundi Amalinni. Sig+num Petri Pauci. Sig+num Raymundi Stephani. Sig+num Stephani Saboris.

Guillelmus Pelegrini levita qui hec scripsit + rogatus atque iussu sub die et anno quo supra.