Carta de donació feta per lo senyor rey en Jacme a.n Rodrigo Ortiç e als seus, de la alqueria de Xestalgar.

.

Noverint universi, quod nos Iacobus, Dei gracia rex Aragonum et regni Maioricarum, comes Barchinone et Urgelli et dominus Montispesulani, per nos et omnes successores nostros damus et concedimus per hereditatem propriam, francham et liberam, vobis, Roderico Ortiç, et vestre posteritate sive progeniei, imperpetuum, alqueream de Gestalgar iuxta Xulella, cum pratis, pascuis, erbis, aquiis, lignis, furnis et molendinis, terris, terminis, introitibus, exitibus et suis pertinenciis universis a celo in abissum, ad habendum, tenendum, possidendum, expletandum, et ad dandum, vendendeum, impignorandum, alienandum, et ad omnes vestras vestrorumque voluntantes, et cuicumque volueritis perpetuo faciendas, exceptis clericis et iuris religiosis.

Datum in obsidione Valencie, quatuordecim kalendas iulii, Era millesima CCª LXXª sexta.

Sig+num Iacobi, Dei gracia regis Aragonum et regni Maioricarum, comitis Barchinone et Urgelli et domini Montispesulani.

Huius rei testes sunt: Ferrandus, infans Aragonum, Guillelmus de Montechateno, Raymundus de Liçana, Petrus Cornelii, Guillelmus Romei.

Sig+num Guillemoni, scribe, qui mandato domini regis pro domino Berengario, Barchinone episcopo cancellario suo, hanc carta scribi fecit, loco die et era prefixis.