Noverint universi quod nos Iacobus, Dei gratia rex Aragonum, Maioricarum et Valentie, comes Barchinone et Urgelli et dominus Montispesulani, per nos et nostros vendimus et titulo perfecte vendicionis de presenti mandamus vobis, Petro Cecro et Cipriano de Barrachina et Petro Blasco, Egidio Gomicii et Martino de Xocho et omnibus aldeanis omnium aldearum Daroche, presentibus et futuris, inperpetuum, castrum et villam de Burbaguena quod est in regno Aragonum.

Quod castrum et villam habeatis, teneatis, possideatis et expletetis cum omnibus christianis et mauris, hominibus et mulieribus habitantibus et habitaturis, terminis, pratis, pascuis, herbis, aquis, lignis, montibus, planis, deffesis, nemoribus et cum heremis et populatis, omni molendinis et furnis et dolis et cum tegeriis et cum omnibus hereditatibus nostris, panis et vini et cum domibus et cum cubis et cum omnibus aliis rebus mobilibus et inmobilibus nostris et cum omnibus iuribus realibus et personalibus nobis ibidem pertinere debentibus aliqua ratione vel causa in iure ad omnes voluntates vestras et vestrorum perpetuo faciendas.

Recognoscentes nos pro venditione predicta recepisse a vobis quadraginta unum milia solidorum iachensium, quos a vobis numerando recepimus et habuimus et sumus inde bene paccati, non habite pene et doli.

Promittentes quod faciemus vos et vestros, presentes et futuros, habere ratione et possidere dictum castrum et villam Burbaguenam supradictos.

Concedimus insuper et statuimus quod dictum castrum et villam de Burbaguena cum omnibus iuribus et pertinentiis sit inperpetuum aldee ville Daroche et quantum (ilegible) in eadem franchitatem et consuetum omnibus sive foris et quibuslibet aliis iuribus quibus sunt (ilegible) aldeas ville Daroce.

Datum Fariçie, XV kalendas novembris anno Domini millesimo ducentesimo quinquagesimo.

Signum + Iacobi, Dei gratia regis Aragonum, Maioricarum et Valentie, comitis Barchinone et Urgelli et domini Montispessulani.

(1ª col.) Testes sunt: R[aimundus] de Cardona. (2ª col.) P[etrus] Cornelii. A[rtallus] de Luna. (3ª col.) G[arcia] Romeo. Eximinus de Focibus.

Sig+num Guillelmi de Rocha, qui de mandato comini regis pro G[uillelmo]

Scriba, notario suo, hoc scripsit loco, die et anno prefixis.