Iacobus, Dei gratia regis (sic) Aragonum, Maioricarum et Valencie, comes Barchinone et Urgelli et dominus Montispesulani.

Fidelibus suis baiulis, iusticiis et universis aliis officialibus nostris Aragonum et totius iurisdictionis nostre, ad quos presentes pervenerint. Salutem et graciam.

Mandamus vobis firmiter quoatenus observetis hominibus Sancte Marie de Albarrazino instrumentum franchitatis quam a nobis habent pro ut instrumento videritis contineri et hoc ratione aliqua non mutetis.

Datum Cesarauguste, VIII kalendas marcii anno Domini millesimo ducentesimo sexagesimo secundo.

.

Nos vero iudex, alcaldes, iurati et concilium Sancte Marie dedimus Sancio Iohannes, vicino nostro lateri presentium transcriptum littere domini regis quam nobis concessit perpetuo valituram sicut superius plenius continetur et ut hec nulli veniat indubium presentem paginam sigillo nostro fecimus roborari.

Datum in Sancta Maria, XVII kalendas novembris.

Sig+num G., scriptoris publici Sancte Marie, qui hanc cartam scripsit de mandato supradictorum.