Iacobus, Dei gratia [rex Aragonum, Maioricarum et Valencie, comes Barchinone et Urgelli et dominus Montispesulani].

Fidelibus suis iuratis et universis hominibus villarum et locorum comendatorie Alcanicii, tam christianis quam sarracenis, presentibus et futuris, ad quos presentes pervenerint. Salutem et gratiam.

Mandamus vobis firmiter et districte et sub pena personarum et omnium rerum vestrarum, quod nullius vestrum audeat se ponere in guidaticum seu comendam alicuius richi hominis vel militis aut alterius persone. Et hoc aliquatenus non mutetis.

Alioquin, volumus et mandamus comendatori Alcanicii vel locum eius tenenti quod personas illorum qui contra hoc mandatum nostrum in guidaticum vel comandam alicuius richi homines vel militis ad alterius persone se posuerit, capiat et captas nobis reservet et omnes res ac bona ipsorum pro pena emparet, accipiat vel emparari seu accipi faciat ubicumque ea poterit invenire.

Datum Valencie, XIIIº kalendas februarii, anno Domini Mº. CCº. [LXº] octavo.