[Noverint universi] quod nos Iacobus, [Dei gratia rex Aragonum, Maioricarum et Valentie, comes Barchinone et Urgelli el dominus Montispesulani]; per nos et nostros damus licenciam et potestatem vobis, universis hominibus qui habetis nunc domos in ravalo Muriveteris, quod possitis semper de cetero in ipsis domibus stare et habitare ac vendere panem et vinum et quascunque alias res volueritis, et tenere hostalariam libere et quiete, non obstante sentencia per aliquem lata nec carta vel indulgencia hominibus Muriveteris vel alicui persona in contrarium a nobis concessa.

Mandantes alcaydo, baiulo, iusticie et omnibus hominibus Muriveteris, et aliis officialibus, et cetera.

Datum Valentie, kalendas madii anno Domini M. CC. L. octavo.