Notum sit cunctis quod nos frater Ugo de Fulalquer, Dei gratia castellanus Emposte humilis, consilio et voluntate fratrum nostrorum, scilicet fratris Raymundi de Ciri, preceptoris Cervarie, et fratris Guadoelmi et fratris Guigo, et fratris Arnaldi de Talarn, priori Cervarie, damus et concedimus vobis Michaeli Molinarii, et vobis P. Riquer, et vestris quibus volueritis, duo casalia molendinorum.

Primum, scilicet, molendinum de Toscha in rivo Uldeconem in termino Cervarie damus in hunc modum: quod de omnibus lucris quod Deus ibidem dederit, nobis et nostris vel cui voluerimus recepta molineria ab utrisque partibus, scilicet, VIIII mensura, donetis medietatem fideliter sine omni nostra aliqua missione.

Damus siquidem molendinum inferiorem propinquus supradicti in hunc modum: quod de omnibus lucris quod Deus ibi dederit, donetis nobis tercium bene fideliter sine omni aliqua missione, que ibi non faciamus.

Preterea dicta molendina damus sub tali conditione quod teneatis ea parata suorum necessariorum, sic quod propter vestram culpam nec vestrorum nullomodo unquam cessent, ad nostrum et vestrum profectum iugitur operari.

Ad hoc damus dicta molendina vobis et vestris ad vendendum, impignorandum vel alienandum, salvo iure nostro in omnibus, ad vestras voluntates perpetue faciendas, tali modo quod si velletis eam vendere vel impignorare, nobis et nostris fratribus per spacium XXX dierum faciatis scire primitus, et si vellemus ea retinere per quantum in eis dederint, possumus facere. Sin autem faciatis ad vestras vestrorumque voluntates exceptis sanctis et militibus et eorum uxoribus.

Et non eligatis inde alium dominum nec patronem nisi nos et nostros successores perpetue.

Et nos et nostri successores erimus inde vobis et vestris legales guirentes ac defenssores contra omnes personas propter potestatem terre vel principem suo loco.

Et ego prenominato Michaeli Molinarii promito vobis fratri H. de Fulalquer et omnibus fratribus Ospitali, et iuro per Deum et per sancta Euvangelia Domini esse bene fideliter de omnibus directis vestris, sic Deus me adiuvet et Sancta Dei IIIIor Evangelia coram me positis et tactis cum meis propriis manibus, quod nisi [fruo] nec teneamini nobis de dicto donativo in aliquo respondere.

Actum est hoc II kalendas iunii anno Domini M CC XXX et VIIII.

Sig+num fratri H. de Fulalquer, Dei gratia castellanus Emposte humilis. Sig+num fratris R. de Ciri, preceptoris Cervarie. Sig+num fratris Guadoelmi. Sig+num fratris Guigo. Sig+num A., priori Cervarie. Sig+num A. Catala. Sig+num P. de Capellano. Sig+num G. Esteler, testes.

Petrus, subdiachonus, qui hoc scripsit mandato frater A., priori Cervarie, cum literis suprapositis in VII linea ubi dicitur bene, die et anno quo supra. +

ABC ABC ABC ABC

Notum sit cunctis, quod nos frater Ugo de Fulalquer, Dei gratia castellanus Emposte humilis, consilio et voluntate fratrorum nostrorum, scilicet fratris Raimundi de Cerio preceptoris Cervarie, et fratris Dominici de Ontiniana preceptoris Emposte, et fratris Raimundi de Vetula preceptoris Aliage, et fratris Petri de Alcalano preceptoris Valencie; damus et concedimus vobis Bernardus de Pegeroles et vestris quibus volueritis, unum casalium molendinorum in termino Cervarie, in rivo de Ocelodecone, in loco nominato superiorem molendinorum de Michele Mollinarii, quos sunt super molendinos de Toscha; scilicet primum casalium, et faciatis in dictum casalium quantus molendinos possitis facere bladariis vel draperiis, damus in hunc modum: quod de omnibus lucris qui Deus ibidem dedit, nobis vel nostris vel cui voluerimus, donetis tercium fideliter sine nostra aliqua missione, et unquam non accipiatis inde molneria.

Preteresa dicta molendina damus vobis, sub tali condicione quod teneatis ea parata suorum necessariorum, sic quod propter vestra culpa nec vestrorum, unquam cessent, ad nostrum et vestrum profectum iugitur operari.

Ad hoc damus dicta molendina vobis et vestris, ad dandum, vendendum, impignorandum vel alienandum, exceptis sanctis, et militibus et eorum uxoribus, salvo iure nostro et omnibus ad vestras voluntates perpetuo faciendas, tali modo quod si velletis ea vendere vel inpignorare, nobis et nostris fratribus, per spacium quadraginta dierum, faciatis scire primitus, et si vellemus ea retinere per quantum in eis dederint possumus facere. Sin autem, faciatis ad vestras vestrorumque voluntantes.

Et non eligatis inde alium dominum nec patronem, nisi nos et nostros successores perpetue; et nos et nostri erimus inde vobis et vestris legales guirentes ac defenssores contra omnes personas, preter potestatem terre vel persona aliqua suum locum tenentem.

Et nos, B. de Pegeroles iamdictus, per nos et per omnes nostros successores, promitimus esse bene fideliter de omnibus directis nostris, bona fide et sine enganno, sic Deus me adiuvit et sancta Dei IIIIor evangelia, coram me positis, et sancta crucem Domini.

Adhuc damus vobis B. de Pegeroles et vestris, unam fanechatam terre in circuitu molendinorum, pro ortum, francha et libera, salva decima et primicia.

Actum est hoc II idus octobris anno Domini M. CC. XXX. et VIIII.

Sig+num fratris H. de Fulalquer, Dei gratia castellanus Emposte humilis. Sig+num fratris R. de Ceri preceptoris Cervarie. Sig+num fratris Dominici de Ontiniana preceptoris Emposte. Sig+num fratris R. de Vetula preceptoris Aliage. Sig+num fratris P. de Alcala preceptoris Valencie. Sig+num B. de Pegeroles; qui hoc firmamus et iuramus.

Sig+num G. Colom. Sig+num Vidal Sabater; testes.

Petrus, subdiachonus, qui hoc scripsit mandato frater A. prioris Cervarie, die et anno quo su+pra.

ABC ABC ABC